Cenabê Serok û Lêveger, di bîranîna ji dayikbûna we ya pîroz de vê yekê bi bîr tînim, 18 sal di bin siya biryarên we yên dîrokî de û di dibistana tijî dersên welatparêziyê ya cenabê we de, tîbûna ruh û giyanê min, bi ava wefa, dilsozî û evîna niştiman û gelê xwe ve şikiya.
Di wan salên xizmetkirinê de, ji nêzîk ve ji cenabê we fêr bûm ka mirov çawa dikare bibe keleheke pola ji bo miletê xwe û çawa dibe parêzerê rêbaza pîroz a Barzaniyê Nemir, ku li kûrahiya cenabê we de wekî take rêya rizgariyê dibiriqe.
Dema ku bi fermana cenabê we min erkê xizmetkirina revenda Kurdistanê li diyasporayê girte ser milê xwe û ji nêz ve têkilî hest û soza xelkê bûm, hingê ji min re derket holê ku cenabê we ne tenê Rêberek e, belku hûn nefes û hêviya neteweyekî kedkar in ji bo gihîştina armancên bilind.
Di nav revenda Kurdî de, di çavên her take kesekî vî niştimanî li seranserê cîhanê de, wêneyê we wek qibleyekê dibînim ku hemûyan ber bi perava aramî û rûmeta neteweyî ve rêberiyê dike. Li wir baş têgihîştim ku gelê Kurd paşeroja xwe di çavên we yên tijî bawerî de dibîne û cenabê we wek wî keştîvanê dilsoz dibîne ku xewnên me yên mezin digihîne perava aramiyê.
Di salvegera jidayikbûna cenabê we de, bi hemû wefadarî û kedkariya xwe ve, hemû wê evîna ku di wan 18 salan de ji we fêr bûme, dikim hevêna sozeke nû ji bo berdewamiya wê rêbaza pîroz. Temenê we dirêj be, ey ew siya dilovan ku her Kurdek li kû derê vê dinyayê be, di bin sayeya wê de hest bi aramî û kerametê dike. Hebûna we rûmete ji bo dîrokê û çiraya herî geş a hêviyê ye ji bo nifşên dahatû yên vî niştimanî.
Şifa Barzanî
15ê Tebaxa 2026an