Ev sê meh in aktîvîstekî Kurd li hucreyeke Îtlaata Îranê tê girtine, ji mafê parêzerî bêpar tê hiştine û nikare merivên xwe bibîne.
Li gorî rapora Rêxistina Mafên Mirovan a Hengawê, sê meh piştî girtina Mîkaîl Mînberî, aktîvîstê sivîl ê ji gundê Niyer ê bi ser Sineyê, li îdareya Îtlaat a bajêr hatiye desteserkirin û mafê parêzeriyê jê re nayê dayîn û merivên xwe nabîne.
Girtina neqanûnî ya Mîkaîl Mînberî yê li hucreya Îdareya Îtlaata Sineyê, nexweşiya gurçikê pê re çêkiriye û destûr nayê dayîn ku biçe ber doktorekî, yan jî ji bo tedawiyê biçe nexweşxaneyê.