Encûmena Sûriyeya Demokratîk dibêje ku destwerdana Îranê di Sûriyê de bandoreke neyînî li bûyerên li welat dikiye. Li gorî rayedarekî payebilind ê Rojavayê Kurdistanê, Tehran di destwerdanên xwe de dixwaze cihêkariyê bike û hêzên milîsan ava bike.
Li gorî çapemeniya Northê, endamê meclisa serokatiya MSDyê Xelîl Ebdî wiha gotiye: “Ji destpêka destwerdana xwe di Sûriyê de, Îranê siyaseteke teşwîqkirina mezhebî û avakirina milîsên çekdar li gorî berjewendiya xwe ava kiriye û dixwaze zêdetir herêman li Sûriyeyê kontrol bike û li ser Şîîzm li Sûriyeyê xebitiye. “
Li gorî Ebdî, Tehranê ji bo parastina deshilatdariya Beşar Esad her çend li dijî gelê Sûriyeyê be jî, hemû hewldan kirine.
Her wiha got: “Destwerdana hêzên herêmî yên wek Îran û Tirkiyeyê ji bo parastina berjewendiyên xwe bû û her du dewletan tu carî li ser avakirina aramiyê û beşdarbûna peydakirina çareseriyeke siyasî ji bo aloziya li Sûriyeyê nefikirîne.”