EMEL HESEN
Dayê min berde
Ezê herim cengê
Xwîşek tu bîne
Wan Çek û rexta
Bi kinçên cengê
Min bixemlînin
Li bejna min kin
Şûr û mertalan
Desmala kalan
Ser eniya min kin
Tifinga Barzan
Li milê min kin
Bi navê rojhat
Ezê rê bigrim
Xatir bixwazim
Ji dayîk û bavan
Ji dost û hevalan
Pişta xwe bidim
Feleka bêbext
Berê xwe bidim
Şoreşa gelan
Ciyê rûmetê
Îro li nav Welat
Destê xwe bidim
Destê biratiyê
Da bibim Şervan
Leşkerê geran
Û Pêşmergê Barzan
Li ser Xaka Welat
Çeperên pêşiyê
Ezê cî bigrim
Sînga xwe bidim
Pêşiya gulan
Da em bişkînin
Qeyd û zincîran
Û serê Zahakê
Dijminê kevnar
Û xurt û koledar
Bi Xwîna zela
Ji nû ve avakin
Biharek azad .