Baran Dicle – Lausanne
Yek ji pêşengên siyaseta Kurdî, Dr. Nureddîn Zaza, di 37. salvegera mirina xwe de, di zîyarêtgeha wî ya li bajarê Lausanne ya Swîsre de bi merasimek hat bîranîn.
Ev bîranîn ji hêla Partiya Demokrata Kurdistana Sûriyê (PDKS) ve hat rêxistin û li saet 13:00ê dest pê kir. Gelek siyasetmedar û endamên civaka sivîl yên li Lausanne di bîranînê de beşdar bûn.
Di destpêka merasîmê de Ey Reqîb, Himna Neteweyî ya Kurd, hat xwendin. Piştî wî, Aydoğan Înal , Bevê Bengîn bi navê Komkar Lausanne, û Necat Zanyar bi navê Enstîtûya Kurdî ya Lausanne gotinên xwe pêşkêş kirin. Di axaftinên wan de, rola Dr. Zaza li ser şopandina rêya neteweyî ya kurdan û fikirên wî hatin balê dan.
Her weha, Huseyîn Çelik ji aliyê PSK-Swîsre, Haydar Cîhaner ji Navenda PSKê û rojnamevan û nivîskar Aydın Ronî Dere jî di bîranînê de beşdar bûn.
Piştî merasîmê, beşdarên bîranînê çûne komeleya Komkar Lausanne, ku li wir jî bi hev re taziyeyan wergirtin û Dr. Zaza bi rûmet hat bîranîn