Yek ji çalakvan û mamosteyên sivîl ên Kurd li Dîwandereyê ji aliyê hêzên Îtlaata Îranê ve hatiye girtin.
Li gor Navenda Mafên Mirovan bo Rojhilata Kurdistanê, îro roja duşemê di 16.08.2021an de Hêzên Rêvebiriya Îtlaata Dîwandereyê çalakvanê sivîl û yek ji mamosteyên zimanê Kurdî, Çiro Ehmedî li mala bavê wê girtin û ber bi cihekî nediyar ve birin.
Bi gotina şahidekî, di desteserkirina Çiro Ehmedî de herî kêm şeş kesên ji Hêzên Îtlaatê bi ser mala wan de girtine û li malê geriyane û dest danîne ser telefon û pirtûk û amûrên wê yên din.
Hêjayî gotinê ye ku heta niha sedema girtina Çiro Ehmedî ji aliyê Hêzên Îtlaatê ve nehatine eşkerekirin.
