Şifa Barzanî, Serpereştiyarê Giştî yê Revenda Kurdistanî li Baregeha Barzanî, peyamek sersaxiyê ji bo koça dawî ya kesayetiyê neteweperwer û parêzerê navdar Osman Behlewî şand malbat û nasên wî.
Di peyamê de, Baregeha Barzanî xemgîniya xwe ya kûr ji bo koça dawî ya Parêzer Osman Behlewî anî ziman û bal kişand ser rola girîng û cihê taybet ê vê malbatê di xizmeta Kurdistanê de.
Parêzer Osman Behlewî yek ji wan kesayetiyên navdar bû ku ew û malbata wî roleke berbiçav di xizmeta civaka Kurdistanê û Revenda Kurdî ya li derveyî welat de hebû. Nivîsîngeha Diyasporaya Baregeha Barzanî, ku berpirsiyariya şopandin û girîngdanê bi Revenda Kurdistanî ya li diyasporayê re hildigire, di vê nameya sersaxiyê de kar û xizmetên vê malbatê bi bilindî nirxand û windakirina vî kesayetiyê wekî xemeke hevpar dibîne.
Naveroka peyamê wiha ye:
Ji bo malbata Parêzer Osman Behlewî ya birêz,
Dr. Şergo Osman û Dr. Ciwan Osman yên hêja,
Bi xemgînî û kovaneke mezin ve, nûçeya koça dawî ya bavê we yê qedirgiran, kesayetiyê naskirî û parêzerê hêja “Osman Behlewî” gihîşt me.
Malbata Behlewî malbateke kedkar û niştimanperwer e ku bi xizmet û zanista xwe ve di nava civaka Kurdistanê û li derveyê welat de xwedî cihekî taybet in. Em di vê xema giran de xwe bi hevparê xema we dizanin.
Ji aliyê xwe ve û bi navê Revenda Kurdistanî li Baregeha Barzanî, em sersaxiyê ji we, malbat, xizm û hemû dostên we re dixwazin. Ji Xwedayê Dilovan daxwaz dikin ku ruhê xwedê jêrazî bi bihuşta fireh şad bike û sebir û hedarê bide we hemûyan.
Serê we sax be û cihê wî bihuşt be.
Şifa Barzanî
Serpereştiyarê Giştî yê Revenda Kurdistanî li Baregeha Barzanî
24.06.2026