Kovara Rewend nûtirîn hejmara xwe ku hejmara 6an e, bi naverokeke dewlemend û pirreng di warên siyasî, edebî, hunerî, werzîşî û çandî de hate weşandin.
Di vê hejmarê de jî komek nivîskar û pisporên navxwe û diyasporayê bi nivîsên xwe bi her du zaravayên Soranî û Kurmancî belav kirine, digel wan nivîskarên ku dîtin û bîr û nêrînên xwe yên cihêreng derbarê mijarên curbecur de anîne ziman.
Derketina vê hejmara nû ya Rewendê gaveke din e ji bo bihêzkirina peywendiyên çandî û fikrî, ji ber ku kovarê karîbûye bibe pirek di navbera rewşenbîrên navxwe ya Kurdistanê û revenda Kurdî ya li diyasporayê de. Di vê çarçoveyê de, hejmareke berçav ji hunermend, bîrmend û pisporên warên cuda tê de beşdar bûne, ev yek jî bûye sedem ku kovar bibe platformeke giştgîr ji bo alûgora zanîn û ezmûnan di navbera hundir û derveyî welêt de.
Hermin Ehmed, Sernivîskara Kovara Rewendê, amaje bi wê yekê kiriye ku armanca wan rexsandina derfetan e ji bo hemû nivîskar û rewşenbîran da ku bi rêya şandina babêtên xwe yên binirx û bihadar, bi Kovara Rewendê re berdewam bin û nivîskarên zêdetir tê de beşdar bibin.
Sernivîskara Kovara Rewendê tekez li ser wê yekê kiriye ku, deriyê kovarê ji bo hemû wan pispor û xwedî pênûsan vekiriye ku dixwazin bi rêya nivîsên xwe xizmetê ji bo warên cuda yên civakê bikin.