Brîtanya mijara penaberan tundtir dike

Wezîra Navxwe ya Brîtanyayê ragihand ku êdî penaber nikarin piştî 5 salan daxwaza mafê mayîna herdemî bikin.

Wezîra Navxwe ya Brîtanyayê Şebane Mehmûd, plana nû ya tundkirina yasayên penaberiyê ragihand; li gor wê planê li şûna pênc salan, divê penaber 10 salan li Brîtanyayê bimînin da ku mafê daxwazkirina rûniştina herdemî bi dest bixin.

Li gorî rêzikên nû, dahata salane, asta zimanê Îngilîzî û pabendbûna bi yasayan re dê bibin mercên sereke. Lê belê penaberên xwedî dahata bilind û pisporên hin waran dikarin piştî sê an pênc salan daxwaza mafê mayîna herdemî bikin.