Şefa Barzanî peyameke sersaxiyê pêşkêşî malbata nivîskar û siyasetmedarê Kurd Necdet Buldan kir

Şefa Barzanî, Serperştiyarê Giştî yê Revenda Kurdistanî li Baregeha Barzanî, roja 11ê Mijdara 2026an, bi rêya Nivîsîngeha Diyasporayê peyameke sersaxiyê ji bo koça dawî ya nivîskar û siyasetmedarê Kurd, Xwedê jê razî Necdet Buldan pêşkêşî malbata wî kir.

Di peyamê de, Serperştiyarê Giştî yê Revenda Kurdistanî digel derbirîna xem û kovan û hevxemiya kûr ji bo malbata Buldan û kesukar û dostên koçkirî, rolê Xwedê jê razî bilind nirxandiye ku di tevahiya jiyana xwe de bi pênûs û helwesta neteweyî, xizmeteke hêja ji doza gelê Kurdistanê û ji edeb, hizr û siyaseta Kurdistanî re kiriye. Herwiha tekez kiriye ku koça dawî ya Necdet Buldan ziyaneke mezin e ji bo gelê Kurd û tevgera rewşenbîrî û neteweyî, ji Xwedayê mezin jî xwestiye ku cihê wî bihuşt be û hedar û aramiyê bide malbat û dostên wî.

Naveroka peyamê:

Ji bo malbata hêja ya Necdet Buldan

Bi navê Xwedayê Mezin û Dilovan

Bi xemgînî û kovaneke mezin ve, me nûçeya koça dawî ya nivîskar û siyasetmedarê Kurd, xwedê jê razî Necdet Buldan bihîst.

Em sersaxî û hevxemiya xwe ya kûr pêşkêşî malbata Buldan, kesukar, heval û hogirên we dikin.

Xwedê jê razî Necdet Buldan, di tevahiya jiyana xwe de bi pênûs û helwesta xwe ya neteweyî, xizmeteke hêja ji doza gelê Kurdistanê, ji wêje, raman û siyaseta Kurdistanî re kir. Koça dawî ya xwedê jê razî windakirineke mezin e ji bo gelê me û ji bo tevgera me ya rewşenbîrî û neteweyî.

Em ji Xwedayê Mezin dixwazin ku cihê wî behişt be, û hedar û aramiyê bide malbata we ya birêz û hemû nas û dostên we.

Şefa Barzanî

Serperiştiyarê Giştî yê Revenda Kurdistanê

Li Baregeha Barzanî

11.11.2026