Li sînorê Pîranşar a Rojhilatê Kurdistanê kolberek ji aliyê hêzên ewlehiyên Îranê ve hatiye kuştin.
Şeva borî li sînorê Pîranşar a nêzikî sînorê Hacî Omeranê kolberê bi navê Mihemed Xalid Ebdullazade ji aliyê hêzên artêşa Pasdaran ve hatiye kuştin.
Mihemed Xalid Ebdullahzade (41) bavê 2 zarokan bû û hin jî cenazeyê wî nedane malbata wî.
Salane di encama gulebarandina hêzên ewlehiyên Îranê de bi dehan kolber jiyana xwe ji dest didin û birîndar dibin yan jî bi qezayên xwezayî koça dawî dikin.