Serokê Navenda Diyaspora Kurdistanê ya beşê Frensîziman (Cenevre) li ser navê Federasyona Swîsreyê beşdarî merasîma rêzgirtina ji bo qurbaniyên karesata Crans Montana bû û nameyek sersaxiyê ji Şaredariya Crans Montana re şand.
Roja Înê, 9ê Çileya 2026an, Luqman Mihemed, Serokê Navenda Diyaspora Kurdistanê li (Cenevreyê) û endamê lijneya rêveber a Federasyona Diyaspora Kurdistanê li Swîsreyê, beşdarî merasîmekê li Monte, Kantona Valle bû û sersaxiyên xwe ji malbatên qurbaniyan re şand. Wî her wiha di dêra Monte de ji bo giyanên qurbaniyan noteyek nivîsand û gulên sersaxiyê pêşkêşî giyanên qurbaniyan kir.
Bi sedan kes, di nav wan de Serokkomarê Swîsreyê Guy Parmelin û Serokkomarê Fransayê Emmanuel Macron, li Crans Montana kom bûn da ku rêz li qurbaniyên şewatê bigirin, ku serokkomarê Swîsreyê wekî “yek ji karesatên herî xirab ên ku welatê me heya niha dîtiye” bi nav kir. Di vê navberê de, li seranserê welêt deqeyek bêdengî hate girtin da ku qurbaniyên şewata şeva sersalê ya li Crans, Montana bi bîr bînin. Di heman demê de, zengilên dêran li seranserê Swîsreyê lê dan. Konseya Federal û dêrên Xiristiyan ji mirovan xwestin ku vê gavê ji bo bîranîna miriyan veqetînin û hevgirtinê bi birîndaran û malbatên wan re nîşan bidin.