Bi mebesta nûkirina desteya rêveberiyê û danîna stratejiyeke nû ji bo xizmetkirina nivîskaran li derveyî welat, Federasyona Nivîskarên Kurdistanê – Diyaspora di proseseke demokratîk û şefaf de serokatiyeke nû hilbijart.
Ev pêngav wek destpêka qonaxeke nû di xebata rêxistinî û yekkirina şiyanên nivîskarên Kurd ên li derveyî niştiman tê hesibandin.
Êvara, 1’ê Tebaxa 2026’an, di atmosfereke demokratîk de, Federasyona Nivîskarên Kurdistanê – Diyaspora pêvajoyeke hilbijartinê ji bo diyarkirina desteya nû ya rêveberiyê pêk anî. Ev çalakî bi amadebûna Dr. Îsmaîl Kamîl, Serokê Konfederasyona Revenda Kurdistanî û Şukrî Berwarî, Cîgirê Serokê Konfederasyonê bi rê ve çû û tê de endamên nû yên desteya kargêrî ji bo birêvebirina erkên paşerojê yên federasyonê hatin diyarkirin.
Di encama dengdanê de, bawerî bi van birêzên jêrîn hat spartin da ku berpirsiyariyên federasyonê bigirin ser milên xwe:
Serdar Caf, wek Serokê Federasyonê.
Ebdulbaqî Husênî, wek Cîgirê Serokê Federasyonê.
Davan Yehya Xelîl, wek Berpirsê Ragihandinê.
Gewher Memo, wek Berpirsa Peywendiyan.
Amadebûyan tevî pîrozbahiyên li desteya nû, hêviya serkeftinê ji wan re xwestin û tekez li ser girîngiya yekrêzî û karkirina bi hev re kirin, bi mebesta pêşkêşkirina xizmeteke hêja û geşepêdana zêdetir a karên Yekîtiya Nivîskarên Diyasporayê di paşerojê de.