Federasyona Revenda Kurdistanî-Danîmarka, bi boneya nehemîn salvegera referandûma serxwebûnê ya Başûrê Kurdistanê, bi amadebûna serokê Konfederasyona Revenda Kurdistanî, li Kopenhaga paytexta Danîmarkayê merasîmek li dar xist.
Di 26ê Îlona 2026an de, bi amadebûna Îsmaîl Kamil, Serokê Konfederasyona Revenda Kurdistanî, Welîd Akreyî, berpirsê Federasyona Revenda Kurdistanî-Danîmarka, Mem Dogala berpirsê Federasyona Navneteweyî ya Zimanê Kurdî û hejmarek ji nûner û kesayetiyên Kurd, ji bo bîranîn û bilind ragirtina nehemîn salvegera referandûma serxwebûnê ya Başûrê Kurdistanê rêwresmek birêveçû.
Di merasîmê de, ku ji aliyê Federasyona Revenda Kurdistanî-Danîmarkayê ve hatibû birêvebirin, Îsmaîl Kamil, serokê Konfederasyona Revenda Kurdistanî axaftinek pêşkêş kir û diyar kir ku ew wek konfederasyon divê ji bo mafên rewa yên Kurd û Kurdistanê têbikoşin.
