Konfederasyona Revenda Kurdistanî bi boneya 9’mîn salvegera komkujiya Şengalê peyamek weşand.
Teksta peyamê:
Di ser komkujiya Şengalê re 9 sal derbas bûn, ku ev karesatek mezin bi serê xuşk û birayên Kurd Ezdî de hat.
Di 3ê Tebaxa 2014’an de çekdarên rêxistina terorîst a DAÎŞ’ê Şengal dagîr kirin, gelek tawanên ne mirovî kirin, jenosîd, kuştin û revandin, talankirina mal û milkên wan û beşek ji xelkê Şingalê koçber bûn.
Di vê bîranîna xemgîn de, Konfederasyona Revenda Kurdistanî, hevxemiya xwe ya kûr ji bo xûşk û birayên Êzidiyan radigihîne, her wiha her tawanek li ser navê her fikir û bîrdoziyek li dijî mirovahiyê were kirin, şermezar dike.
Bi hezaran silav li canê şehîdên Şengalê û hemû şehîdên tevgera azadiya Kurdistanê.
Konfederasyona Revenda Kurdistanî
3’ê Tebaxê 2023