دوو برا لە سکۆنا بە گومانی دەستدرێژی سێکسی بۆ سەر حەوت کچ لە هێلسینگبۆرگ داگبلاد دەستگیرکراون و دادگایی دەکرێن.
ئەو دوو برایە لە کاتی خەوتن و بێهۆشی ئەو کچانەدا، ئەو دەستدرێژییەیان ئەنجامداوە و، لە پایزی ڕابردوودا دەستگیرکراون و، لەو کاتەوە پۆلیس بە دوای مۆبایل و کۆمپیوتەرەکانیاندا گەڕاوە و، فیلمیان دۆزیوەتەوە، کە ئەو تاوانە دەسەلمێنن.
بە گوتەی داواکاری گشتی، کریستینا فیدلسباک، زۆرێک لەو کچانە بێئاگا بوون لە دەستدرێژی سێکسی و تووشی شۆک بوون، کاتێک لەلایەن پۆلیسەوە پەیوەندیان پێوەکراوە، ئەوەش دوای گەڕان بە تەلەفۆن و کۆمپیوتەری ئەو دوو برایە، لە کاتی لێکۆڵینەوەکان و دەرکەوتنی ڤیدیۆکان.
یەکێ لە براکان تۆمەتبارە بە 9 تاوانی جیاوازی سێکسی بەرانبەر بە کچان و ئەوی دیکەیشیان تۆمەتبارە بە یەک تاوانی لەو جۆرە.