کۆنفدراسیۆنی ڕەوەندی کوردستانی بە بۆنەی یادی دامەزراندنی کەناڵی ئاسمانی کوردستان تیڤی، پەیامی پیرۆزبایی خۆیان ئاڕاستەی سەرجەم کەناڵی ناوبراو دەکەن، هاوکات هیواداریشن کەناڵەکە بایەخی زیاتر بە کوردانی دیاسپۆرا بدەن.
دەقی پەیامەکە:
پەیامی پیرۆزبایی ساڵیادی دامەزراندنی سەتەلایتی کوردستان
بەبۆنەی 23هەمین ساڵیادی دامەزراندنی کوردستان تیڤی، وەک کۆنفدراسیۆنی ڕەوەندی کوردستانی، گەرمترین پیرۆزبایی پێشکەش بە ستاف و تەواوی کەناڵەکە دەکەین.
دەستپێکردنی ئەم کەناڵە وەک یەکەم کەناڵی ئاسمانی، کە لە هەرێمی کوردستانەوە پەخشی دەکرد، هەنگاوێکی گەورە بوو بۆ بە دیارخستنی میدیای سەتەلایت لەوکاتەدا، بۆیە ڕۆڵێکی گەورەی بینی لە گواستنەوەی ڕووداوەکان بۆ پارچەکانی دیکەی کوردستان، هەروەها بۆ کۆمەڵگەی کوردی لە دەرەوەی وڵات.
هیوای سەرکەوتن بۆ کەناڵەکە و فەرمانبەرانی دەخوازین و، هیوادارین زیاتر گرینگی بە ڕۆڵ و کاری کوردانی دیاسپۆرا بدەن، وەک ئەوەی کوردستان تیڤی لە رابردوودا ھەمیشە لەو ئەرکەدا لەو کەناڵانەی ڕیزی پێشەوە بووە.
نووسینگەی ڕاگەیاندنی کۆنفیدراسیۆنی ڕەوەندی کوردستانی
17.01.2022