ناوەندی ڕەوەندی کوردی لە کۆبنهاگن، کە پێکهاتبوو لە بەرپرس و ئەندامانی دەستەی بەڕێوەبەری ناوەند، سەردانی دوورگەی یولاندیان کرد، بە مەبەستی بەشداریکردن لە دامەزراندنی ناوەندێکی دیکەی ڕەوەندی کوردی لەو دوورگەیە.
بە ئامادەبوونی چەند ئەندامێك و کەسایەتێک لە دوورگەی یولاند، گفتوگۆ و سەرنجی پێویست سەبارەت بە گرینگی دامەزراندنی ناوەندی ڕەوەندی کورد لە دوورگەکە، بۆ کوردانی ئەو دوورگەیەی دانیمارک و کۆکردنەوەیان لەو ناوەندەدا، باسیان لێوەکراو و، ئەو سەرنج و ڕوونکردنەوانەی پێویست بوون، گفتوگۆیان لە بارەوەکرا.
جێی باسە، دواتر دەستکرا بە پڕۆسەی هەڵبژاردن و، کاک کمال وەک گەنجێکی لێھاتوو بە توانا، بە بەرپرسی ناوەندی ڕەوەندی کورد لە ئۆغوسی دوورگەی یولاند ھەڵبژێردرا و، دواتریش دیاریکردنی هەموو لیژنەکانی دیکە بۆ بەڕێوەبردنی کاروبارەکانیان دەست نیشان کران
