ئۆلاف شولتز ڕاوێژکاری ئەڵمانیا، ڕایگەیاند، کە وڵاتەکەی بڕی 100 ملیار یۆرۆ، (112 ملیار دۆلار)ی بۆ هێزە چەکدارەکانی تەرخان دەکات، ئەوەش لەبەر ڕۆشنایی هێرشی ڕووسیا بۆ ئۆکرانیا دێت.
شۆڵتز لە میانەی دانیشتنێکی تایبەتی پەرلەمانی ئەڵمانیادا، گوتی: “ئاشکرایە کە پێویستە بۆ پاراستنی ئازادی و دیموکراسی خۆمان، وەبەرهێنانی زیاتر لە ئاسایشی وڵاتەکەمان بکەین، بە کەلوپەلی باشترەوە، کە دەرماڵەیەکی تایبەت بە 100 ملیار یۆرۆی تێدەچێت. وەک بەشێک لە بودجەی 2022.
جێی باسە، ئەوەشی خستۆتەڕوو، کە گومانی نییە، پۆتن ئیمپراتۆرییەتی ڕووسی دەوێت، دەیەوێت بە پێی خەیاڵەکانی ئەوروپا بگۆڕێت.
