هەڵئاوسان لە ئیسپانیا گەیشتە بەرزترین ئاست 

هەڵئاوسان لە ئیسپانیا گەیشتە بەرزترین ئاستی خۆی لە ماوەی 37 ساڵدا، بەهۆی بەرزبوونەوەی نرخی وزە و بەهۆی شەڕی ڕووسیا و ئۆکرانیاوە. 

ئیف پی بڵاویکردەوە، کە ژمارەکانی پەیمانگای ئاماری نەتەوەیی ئیسپانیا، ئەمڕۆ چوارشەممە دەریخست، کە هەڵئاوسان لە مانگی ئازاردا گەیشتە 9.8 لە سەدی بەرزترین ئاست لە مانگی ئایاری ساڵی 1985ەوە، کە دەبێتە هۆی زیادکردنی پەستان لەسەر حکوومەتی مەدرید. 

لەسەرەتای جەنگی ڕووسیا و ئۆکرانیا لە 24ی شوباتەوە، نرخی نەوت بەرزبۆتەوە و کەرتی گواستنەوە و کێڵگەکانی ئیسپانیا، خۆپیشاندان و مانگرتنیان ئەنجامدا بۆ داواکردنی یارمەتی لە حکوومەتی مەدرید.