هەڵمەتێک لە تورکیا بۆ بایکۆتکردنی زنجیرە جوانکارییەکانی واتسن دەستیپێکردووە، چونکە کەتەلۆگێکی بە زمانی عەرەبی بڵاوکردووەتەوە، بەشێکیش لە چالاکوانان سەرزەنشتی ئەو کارەیان دەکەن، کە زمانی کوردیان بەکار نەهێناوە.
کۆگاکانی واتسۆنی زنجیرەی چینی، دوو لاپەڕەیان بە زمانی عەرەبی تەرخانکردووە بۆ کەتەلۆگی مانگی نیسانی بەرهەمەکانی جوانکاری پێست، ئەوەش ژمارەیەک لە تورکەکانی توڕە کردووە.
ژمارەیەک لە چالاکوانان پرسیاریان کردووە، کە بۆچی دوو لاپەرە بە زمانی عەرەبی دەرکراون، لە کاتێکدا زمانی فەرمی ئەو وڵاتە تورکییە، هاوکات ژمارەیەک لە چالاکوانانیش شوێنەکەیان بۆ بەکارنەهێنانی زمانی کوردی لە کەتەلۆگەکانیدا سەرزەنشت کردووە.
لەلایەکی دیکەشەوە کەسانێک هەن، کە بایکۆتی بێمانا دەبیننەوە بە ڕاکێشانی سەرنجی ئەو عەرەبانەی لە تورکیا دەژین.