بە تۆمەتی دەستدرێژی سێکسی و هەوڵدانی کوشتنی ئافرەتێک کەسێک دەستگیر دەکرێت
دوای ئەوەی ئێوارەی هەینی ڕابردوو، ئافرەتێک لە چاڵێکی قووڵدا لە نۆربوری دۆزرایەوە، پۆلیس پیاوێکیان بە گومانی دەستدرێژی سێکسی و هەوڵی کوشتنی دەستگیرکردووە.
فەرمانگەی داواکاری گشتی سوید ڕایگەیاند، کە ئەو پیاوە تۆمەتی دەستدرێژی سێکسی و هەوڵی کوشتی ئەو ئافرەتە دەستگیرکراوە.
دادگاییکردنەکە بەردەوامە لە لێکۆڵینەوە و لێپرسینەوە، داواکاری گشتی، ئانی تروسینگ، کە سەرپەرشتی لێکۆڵینەوەی سەرەتایی دەکات، ڕەتی کردەوە کە زانیاری زیاتر ئاشکرا بکات.
ئەو لە راگەیەندراوێکدا وتی: “لەبەر لێکۆڵینەوە ناتوانم زانیاری زیاتر لەبارەی ئەو کەیسەوە بدەم”.
جێی باسە، ئێوارەی ڕۆژی هەینی، چەند ڕێبوارێک لە لانگگرۆڤانی دەرەوەی نۆربوری (ناوەندی سوید)، گوێیان لە دەنگی ئافرەتێک بوو، کە هاواری دەکرد و داوای یارمەتیی دەکرد، تا لەو چاڵە قووڵە رزگاری بکەن، ڕزگارکردنی ئافرەتەکە سێ کاتژمێری خایاند، دوای ڕزگاربوونی، دەرکەوت کە پیاوێک دەستدرێژی سێکسی کردووەتە سەر و فڕێیداوەتە ناو چاڵەکەوە کە بیست مەتر قووڵ بووە.