ئەڵمانیا .. پۆلیس لە پشکنینەکانی بەردەوامە ، وەک بەشێکی لێکۆڵینەوەکان لە هێرشەکەی ڤییەنا

داواکاری گشتی ئەڵمانیا فەرمانی گەڕان بە سەر ماڵ و حاڵی دوو کەس لە شاری ئۆسنابرۆک لە ئەڵمانیا دا ، گومانی ئەوەیان لێدەکرێت پێش ئەنجامدانی ئەو هێرشە تیرۆریستییە لە ڤییەنا ئاگاداریان ھەبووبێت و زانیاریان دەربارەی ھێرشە تیرۆرستیەکە لا بووبێت . کە بووە هۆی کوژرانی چوار کەس و برینداربوونی زیاتر لە 20 کەسی دیکە .

داواکاری گشتی لە کارلسرۆ ڕۆژی چوارشەممە ( 7 ی تەمموزی 2021 ) ڕایگەیاند ، ئەو دوو گەنجە ، کە پاش کەمێک لە هێرشەکە لەلایەن لێکۆڵەرەوەکان کراونە ئامانج ، سەرەڕای زانینی پلانی ھێرشەکە ، زانیاریان بە دەزگاکانی پۆلیس نەداوەو بێدەنگ بوون .

بەپێی زانیارییەکان ، لێکۆڵەران ئێستا بەڵگەیان هەیە کە ئەو دوو گەنجە یەکێکیان خەڵکی کۆسۆڤۆو ئەوی تریان ئەڵمانییە ، لەدوای سەردانەکانیانەوە لەتەمموزی 2020 ەوە ئاگاداری نیازەکانی بۆمبهاوێژەکە بوون .
لە ڕۆژی هێرشەکەدا، بۆ نموونە ئەو دوو گەنجە بە مۆبایلەکانیان و لە تۆڕە کۆمەڵایەتییەکاندا دەستیان کردوە بە سڕینەوەی پەیوەندییەکان لەگەڵ ئەنجامدەری ھێرشەکەدا .