وەزارەتی تەندروستیی و ژینگەی عێراق، گەیشتنی كاروانێكی دیكەی ڤاكسینی كۆرۆنای لە جۆری فایزەر راگەیاند.
كۆمپانیای گشتیی بەبازاڕكردنی دەرمان و پێدوایستییە پزیشكییەكان سەربە وەزارەتی تەندروستیی و ژینگەی عێراق لە راگەیەنراوێكدا ئاماژەی بەوەداوە، ئەمڕۆ یەكشەممە، كاروانێكی دیكەی ڤاكسینی كۆرۆنا لە جۆری فایزەر، گەیشتووەتە عێراق:” ڤاكسینەكان لە رێگای ساردكەرەوەی تایبەتەوە رەوانەی بنكە و فەرمانگە تەندروستییەكان لە پارێزگاكان و ھەرێمی كوردستان كراون”.
لە ١١ی مانگی نیسانی رابردوودا، یەكەم كاروانی ڤاكسینی فایزەر لە ئەمریكاوە گەیشتبووە عێراق.
تا ئێستا، یەك ملیۆن و ١٢٧ ھەزار و ٢٧٠ كەس لە عێراق، دۆزی یەكەم و دووەمی ڤاكسینی كۆرۆنایان وەرگرتووە.