فێستیڤاڵی نێودەوڵەتیی فیلمی کوردیی مۆسکۆ لە 21 تاوەکو 25ـی تەممووز لە سینەمای “کارۆ 11 ئۆکتۆبەر” بەبەشداریی 35 فیلم بەڕێوە چوو .
لە تەواوی ئەو بەرھەمانەدا 15 فیلمی ماوەدرێژ و 20 بەڵگەفیلم و کورتە فیلم ھەبوون .
فیلمەکان لە چوار وڵاتەوە بەرهەمهێنراون و بەژێرنووسی رووسی پێشکەشکران .
ناوەندی ڕەوەندی کورد لەدەرەوە ، پیرۆزبایی و دەست خۆشی لە ڕێکخەرانی ئەم پڕۆژە گرنگە دەکات .
بێگومان ناساندن و نیشاندانی تواناکانی کورد و ھیواو خواست و ھزری مرۆڤ دۆستانەی کورد بۆ دونیا و دۆزی نەتەوەیی خۆیی ، لەڕێگای ئەم شێوە کارو چالاکیانەوە دەبێت .
کوردانی تاراوگە سەرمایەێکی نەتەوەیی گرنگ و بەھێزو بەتواناو ھیوابەخشی ئایندەیە ، چ لە ھونەردا بێت یان سیاسەت و ئابوری و وەرزشی و زانستی و بەشەکانی دیدابێت ، گرنگی خۆیی ھەیە و ئەکرێ لە جوانتری و باشترین شێوەدا ڕێکبخرێت و کۆبکرێتەوە .
بەو ھیوایەی ئەم کارو چالاکی و بەرنامە ھونەریانە و باتایبەت سینەمایی کوردی بەردەوامیان ھەبێت ، چونکە ئێمەی کورد دەبێ لەم بوارەشدا ھەنگاوی جدی و بھاوین و لە ئایندەدا لە نێو سینەمایی جیھاندا کوردیش ژمارەو ناوێکی دیاربێت .
دووبارە سوپاس و پێزانین و دەست خۆشی بۆ ڕێکخەران و ھونەرماندان و فیلم سازان و تەواوی ئەوانەی لەکۆیی کارەکاندا بوونیان ھەبووە .
ناوەندی ڕەوەندی کورد لەدەرەوە
