جێگری فدراسیۆنی کەنەدا بە نوێنەرایەتی پەرلەمانی ئەو وڵاتە، خەڵاتی رێزلێنانی بەخشییە ناوەندی ڕەوەندی کوردستانی-ئۆتاوا، هاوکات ناوەندی ڕەوەندی کوردستانی-ئۆتاوا، سوپاسنامەی بەخشییە چەندین گەنج و کەسانی بە توانا.
رێکەوتی ١١/١١/٢٠٢٣ شوان ئاغا غەفووری جێگری فدراسیۆنی کەنەدا، بە نوێنەرایەتی پەرلەمانی ئەو وڵاتە، خەڵاتی ڕێزلێنانی بەخشییە ناوەندی ڕەوەندی کوردستانی-ئۆتاوا و، کۆمیتەی کوردی ئۆتاوا و، بەرێز موسڵیح کەسایەتی دیاری شاری ئۆتاوا. لە هەمان کاتدا ناوەندی رەوەندی کوردستانی-ئۆتاوا هەستان بە بەخشینی سوپاسنامە بە زیاتر لە ٢٨ گەنج و لاو و کەسانی بە توانای شاری ئۆتاوا لە هەمبەر خزمەتکردنیان لە چوارچێوەی ناوەندی ئۆتاوا.
جێگای باسە، کوردانی ئامادەبووی بەرنامەکە دڵخۆش بوون و سوپاسی ناوەندی ڕەوەندی کوردستانیان کرد بۆ ئەو کارەیان، چونکە دەبێتە هاندانێک بۆ لاوانی کورد کە بتوانن لە ئایندەدا و لە ژێر چەتری کۆنفدراسیۆنی ڕەوەندی کوردستانییەوە زیاتر خزمەت بە کورد و کوردستان بکەن.