بەرپرسی ناوەندی ڕەوەندی کوردستانی-بڕۆکسل لەگەڵ بەرپرسی ئافرەتانی ناوەندەکە سەردانی خانەوادەیەکی کوردی دیاری نیشتەجێی بەلجیکا دەکەن، ئەوانیش بڕیار دەدەن پەیوەندی بە ناوەندی ڕەوەندی کوردستانییەوە بکەن و کار و چالاکییە مرۆییەکانیان لە ژێر چەتری ناوەندەکەدا ئەنجام بدەن.
جیهانگیر عالی دۆڵەمەڕی بەرپرسی ناوەندی ڕەوەندی کوردستانی-بڕۆکسل لەگەڵ لاوا ئەحمەد بەرپرسی بەشی ئافرەتانی ناوەندەکە، سەردانی خانەوادەی کوردی دیاری نیشتەجێی شاری لیژی بەلجیکا ئایلا پێکەر-یان کرد. هۆکاری سەردانەکەی ناوەندی ڕەوەندی کوردستانی بۆ لای ئەو خانەوادە کوردە، بۆ ئەوەبوو تا لە نزیکەوە دەسخۆشییان لێ بکرێت، چونکە وەک سۆسیال ئاسیستنت هاوکاری و یارمەتی پەنابەران دەدەن.
لە میانی سەردانەکەیاندا و دوای گفتوگۆی نێوانیان و باسکردنی ئامانجەکانی ناوەند و کۆنفدراسیۆنی ڕەوەندی کوردستانی، خانەوادەی ئایلا پێکەر بڕیاریان دا ببنە ئەندامی ناوەندی ڕەوەندی کوردستانی-بڕۆکسل و، سەرجەم کار و چالاکییەکانیان لە ژێر چەتری ناوەند و کۆنفدراسیۆنی ڕەوەندی کوردستانی ئەنجام بدەن.
جێی باسە، ئەو خانەوادە کوردی باکووری کوردستانن و ساڵانێکە لەو وڵاتە دەژین، ئایلا پێکەر نووسەر و چالاکوانی مافی ئافرەتانە و خاوەنی کتێبە، لەگەڵ حکومەتی ڤاڵۆنی بەلجیکی کار دەکات