لۆکسمبۆرگ: سەرۆکی کۆنفدراسیۆن سەرپەرشتی کۆبوونەوەیەک دەکات

سەرۆکی کۆنفدراسیۆنی ڕەوەندی کوردستانی لە لۆکسمبۆرگ سەرپەرشتی کۆبوونەوەیەکی کۆمەڵە و ڕێکخراوە کوردستانییەکانی کرد و داوای لە نوێنەرانی ڕێکخراوە کوردستانییەکان کرد، کە لە ژێر چەتری کۆنفدراسیۆنی ڕەوەندی کوردستانی خۆیان ڕێکبخەنەوە.

ڕۆژی ٤ی ٨ی٢٠٢٤ ئیسماعیل کامیل سەرۆکی کۆنفدراسیۆنی ڕەوەندی کوردستانی لەگەڵ ٣٦ کۆمەڵە و ڕێکخراوی کوردی لە لۆکسمبۆرگ کۆبۆوە، کە تێیدا زانیاری لەبارەی ئامانج و پرانسیپەکانی کۆنفدراسیۆنی ڕەوەندی کوردستانی بۆ ئامادەبووان شیکردەوە و دواتر گوێبیستی بۆچوون و پێشنیاری ئامادەبووان بوو، هەروەها وەڵامی پرسیارەکانی دایەوە.

جێیباسە، لە چوارچێوەی هەوڵە بەردەوامەکانی کۆنفدراسیۆنی ڕەوەندی کوردستانی بۆ کۆ کردنەوە و ڕێکخستنی کوردستانییان و هاوخەباتییان لە ژێر چەتری کۆنفدراسیۆن بۆ کۆمەڵە و ڕێکخراوە کوردستانییەکان لە دەرەوە بەردەوامە، لەو نێوەندەدا چەندین ڕێکخراو هاوهەڵوێستییان لەگەڵ کۆنفدرسیۆن دوپاتکردۆتەوە.