بە بەشداری ناوەندەکانی سویسرا و ئامادەبوونی پتر لە ٢٠ لایەنی سیاسیی کوردستانی و ڕێکخراو و ناوەند و کۆمەڵە کوردییەکان، کۆبوونەوەیەکی ئامادەکاری بۆ یادی سەری ساڵی کوردی و جەژنی نەورۆزی کوردان بەڕێوەچوو.
ئێوارەی ڕۆژی شەممە ڕێکەوتی ١١ی١ی٢٠٢٥، سۆران حەسەن بە نوێنەرایەتیی ناوەندەکانی ڕەوەندی کوردستانی لە سویسرا، بە شێوەی ئۆنلاین و لە ڕێی پلاتفۆڕمی وەتسئاپ بەشداری کۆبوونەوەی لایەنە سیاسییە کوردستانییەکان و کۆمەڵە و ڕێکخراوەکانی وڵاتی سویسرای کرد، کە تایبەت بوو بە ئامادەکارییەکان بۆ ئاهەنگی جەژنی نەورۆز و سەری ساڵی کوردی.
لە کۆبوونەوەکەدا بیروڕای ئامادەبووان وەرگیرا و دواتر گفتوگۆ لەسەر چۆنییەتی بەڕێوەچوونی یادەکان کرا، لە کۆتاییدا کۆمیتەیەکی ئامادەکاری، کە پێکهاتبوون لە حەوت ئەندام دەستنیشان کران.
جێی باسە، هەڤاڵان دکتۆر بابان ئەلیاس، شۆڕش ئۆردۆگان، کاردۆ سەرباز و جەعفەرستێرک ، بە نوێنەرایەتیی لایەن و ڕێکخراوە کوردییەکان بەشداربوون، هەروەها وا بڕیارە بۆ نەورۆز
و سەری ساڵی کوردی 2025 لایەنە سیاسییە کوردستانییەکان و ڕێکخراو و ناوەند و کۆمەڵە کوردییەکان لە سویسرا، ئاهەنگێکی گەورە و فراوان بە شێوەیەکی یەکگرتوو ساز بکەن.