شاندێکی ناوەندی ڕەوەندی کوردستانی-بازلی سویسرا، سەردانی پەرتووکخانەی سان-یۆهانیان کرد و دیدارێکیان لەگەڵ بەرپرسی کتێبخانە ساز کرد، هاوکات کۆمەڵێک کتێبی منداڵانیان پێشکەش کردن.
ڕۆژی پێنجشەممە ڕێکەوتی ٣٠ی١ی٢٠٢٥، شاندی ناوەندی ڕەوەندی کوردستانی-بازل، کە پێکهاتبوون لە سۆران حەسەن بەرپرسی ناوەند و فەیزییە پەریشان و شۆڕش ئۆردوگان ئەندامانی دەستەی کارگێڕیی ناوەند، سەردانی پەرتووکخانەی سانت یۆهانیان لە شاری بازل کرد و لە لایەن خاتوو Maureen Senn-Carroll بەرپرسی پەرتووکخانەکە پێشوازیی کران.
لە دیدارێکدا پرسی بەشی منداڵانی زمانی کوردی هێنرایەبەر باس و بۆ جاری دووەم کۆمەڵێک پەرتووکی چیرۆکی منداڵان بە زمانی کوردی و فێربوونی زمان و مێژوو و وێژەی کوردییان پێشەکەشی پەرتووکخانەکە کرد، تا منداڵانی کورد لە شاری بازل سوودمەند بن، لە کۆتاییی دیدارەکە، بەرپرسی پەرتووکخانەکە سوپاسی ناوەندی ڕەوەندی کوردستانی بازلی کرد و جەختیش لەسەر بەردەوامیی ئەو دیدارانە کرایەوە.
جێی باسە، خاتوو سەیران کەریم بەرپرسی ناوەندی سویسرا لە دەستکەوتن و کۆکردنەوەی ئەو پەرتووکانە هاریکاریی ناوەندی بازل بووە.