KDC

به‌ریتانیا هه‌ڕەشه‌ له‌ ئێران ده‌كات

سه‌رۆك وه‌زیرانی‌ به‌ریتانیا رایگه‌یاند كه‌ پێویسته‌ ئێران باجی‌ هێرشكردنه‌سه‌ر كه‌شتییه‌كی‌ ئیسرائیلی‌ له‌ كه‌ناراوه‌كانی‌ وڵاتی‌ عوممان بدات.

ئه‌مڕۆ دووشه‌ممه‌ بۆریس جۆنسن سه‌رۆك وه‌زیرانی‌ به‌ریتانیا وتی‌: “پێویسته‌ ئێران باجی‌ كاره‌كانی‌ بدات… زۆر دیاره‌ كه‌ هێرشكردنه‌سه‌ر كه‌شتییه‌كی‌ ئیسرائیلی‌ له‌ كه‌ناراوه‌كانی‌ وڵاتی‌ عوممان قبوڵكراو نییه‌”.

وتیشی‌: “زۆر گرنگه‌ ئێران و هه‌موو وڵاتانی‌ تر رێز له‌ ئازادی‌ جموجوڵی‌ ده‌ریایی له‌ سه‌رانسه‌ری‌ جیهاندا بگرن”.

دوای‌ ئه‌وه‌ی‌ ئه‌مریكا و به‌ریتانیا به‌رپرسیارێتی‌ هێرشكردنه‌سه‌ر كه‌شتییه‌ ئیسرائیلییه‌كه‌یان خسته‌ ئه‌ستۆی‌ ئێران، وه‌زاره‌تی‌ ده‌ره‌وه‌ی‌ به‌ریتانیا باڵیۆزی‌ ئێرانی‌ بانگهێشتی‌ بینای‌ وه‌زاره‌ت كرد.

له‌ 30ی‌ ئه‌یلولی‌ رابردوودا كۆمپانیای‌ “زودیاك ماریتایم” كه‌ موڵكی‌ سه‌رمایه‌دارێكی‌ ئیسرائیلییه‌ و باره‌گاكه‌ی‌ له‌ له‌نده‌نی‌ پایته‌ختی‌ به‌ریتانیایه‌، رایگه‌یاند كه‌ كه‌شتی‌ نه‌وت گوێزه‌ره‌وه‌ی‌ ئێم/تی‌ میرسر ستریتی‌ كۆمپانیاكه‌ له‌ نزیك كه‌ناراواه‌كانی‌ عوممان هێرشی‌ كراوه‌ته‌سه‌ر و به‌هۆیه‌وه‌ دوو كه‌س كوژراون.

___

کوردانی ئەمەریکا لە بەردەم وەزارەتی دەرەوەی ئەو وڵاتە داوای هەڵوەشاندنەوەی سزای زارا محەمەدییان کرد

KDC

چین دوو ڤاکسینی نوێ بەرهەم دەهێنێت

nusar1

بەئامادەبونی ڕەوەندی کوردستانی تەرمی فەوزی ئەسعەد لەبەرلین بەخاکسپێردرا

nusar1
KDC

FREE
VIEW