دەزگای کۆچی سویدی پێشبینی چوونی شەپۆلێکی نوێی پەنابەران بۆ ئەورووپا و وڵاتەکەی دەكات، کە لە رێی سنووری بیلاڕووس و لیتوانیاوە دەبێت، بە پێی زانیارییەکانیش بەشێک لەو کۆچبەرانە کوردن.
بەپێی راپۆرتێکی ئاژانسی هەواڵی ئەی ئێف پیش، تەنیا لە مانگی حەوتدا زیاتر لە هەزار کەس لە بیلاڕووس پەڕیونەتەوە بۆ لیتوانیا و، وەک رێگەچارەیەکیش یەکێتیی ئەورووپا پۆلیسی سنوور و کارمەندی دەزگای کۆچی ناردووەتە لیتوانیا.
ئاری جەلال سەرۆکی رێکخراوی لوتکە بۆ کاروباری پەنابەران، بە بەشی کوردی رادیۆی سویدی راگەیاندووە، کە کردنەوەی هاتووچۆی گەشتیاری لە نێوان بیلاڕووس و کوردستان وایکردووە، کە خەڵک لەو رێگەوە بگەنە بتوانن بگەنە وڵاتانی یەکێتیی ئەورووپا و سویدیش.