ل ژێر دروشمێ “مڵ بـ مڵ، دڵ بـ دڵ، یەکگرتن ژ بۆ ڕۆژاڤای کوردستانێ”، ئاهەنگا دیرۆکی یا نەورۆزێ ل شاری کۆڵن هات لدارخستن.
دوهی شەممە، 22.03.2025، بـ بەشداریا جەماوەرەک مەزن زێدەتر ژ (100) سەد هەزار کەسان ژ ڕەڤەندا دڵسۆز و نیشتمانپەروە یا کوردستانی ژ هەمو ئالیێن کوردستان، و بـ سەرپەرشتیا ڕێزدار کاک شیفا بارزانی، بەرپرسێ دیسکێ دیاسپۆرا کوردستانی ل بارەگایێ بارزانی، و بـ هەماهەنگیا کۆنفیدراسیۆنا ڕەڤەندا کوردستانی دگەڵ جڤاکا کورد ل ئەڵمانیا، ئاهەنگا نەورۆزێ یا مەزن و دیرۆکی، سەرهەڵدانا کوردستانیان ل شارێ کۆڵن- ئەلمانیا هات لدارخستن.
پەیاما جەنابی سەرۆک و ڕێبەرێ گەلێمە کاک مەسعوود بارزانی ژ ئالیێ رێزدار کاک شیفا بارزانی ڤە هات خویندن، و ژ ئاڵیێ ڕەڤەندا کوردستانێ و ئامادەبویێن هێژا و بەرێز ڤە بەگەرمی هات پێشوازی کردن.
ب ڤێ هەلکەفتنا پیرۆز، پەیڤا ب خێرهاتنێ ژ ئالیێ کاک ئاکف حسن ڤە هات خویندن، پەیڤا کۆنفیدراسیۆنا ڕەڤەندا کوردستانی ژ ئالیێ کاک د.إسماعیل کامل ڤە هات خویندن، پەیڤا جڤاک کورد ژ ئالیێ کاک مەمەد تانریڤێری ڤە هات خویندن.
ئاهەنگا مەزن و دیرۆکی یا نەورۆزا شاری کۆڵن ب بەشداریا چەندین هونەرمەندێن دیار و ناڤدار، بـ سروود و ستران و گۆرانیێن نەتەوەیی یێن ڕەسەن ئەرد هەژاند.
ئاهەنگا نەورۆزا کۆڵن، نەورۆزەکا نەتەوەیی و دیرۆکی بوو، سەرهەڵدان و بەرخۆدانەک نەتەوەیی مەزن بوو، قیرینەک مەزن بوو ژبۆ پشتەڤانیا ڕۆژئاڤایی کوردستانێ، ژبەر کو کورد تێنیێن ئازادیێ نە، لەورا کەرنەڤالا نەورۆزێ ب هەستەکی نەتەوەیی و گەشو هەوایەک خۆش و شاد دەرباس بوو.
سوپاس و پێزانین، بۆ هەموو خۆشک برایێن هێژا و کورد پەروەر یێن ڕەڤەندا کوردستانی، دڵسۆزێن گەڵ و دۆزا خوە یێن بەشداربویێن دڤێ سەرهەڵدانا کۆلنێدا ژ بۆ پشتەڤانیا ڕۆژ ێاڤایی کوردستانێ.
سوپاس و پێزانین بۆ بارەگایێ بارزانی و ب تایبەت بۆ کاک شیفا بارزانی بۆ ئالیکاری و پاڵپشتی و بیرۆکەیا لدارخستنا ڤێ کەرنەڤاڵا مەزن و دیرۆکی یا نەورۆزێ ل شاری کۆڵن،کو وەک سەرهەڵدانەک دیاسپۆرایا کوردستانی هات لـ قەلەمدان.
سوپاس و پێزانین بۆ:
کۆنفیدراسیۆنا ڕەڤەندا کوردستانێ، فەدەراسیۆنا کۆمەلێن کوردستانێ لـ ئەڵمانیا، فیدراسیۆنا کۆمکار لـ ئەڵمانیا، پلاتفۆرما کوردان لـ هامبۆرگ، فەدەراسیۆنا ڕەڤەندا کوردستانێ لـ ئەڵمانیا، فەدەراسیۆنا ڕەڤەندا کوردستانێ لـ ئەڵمانیا، فەدەراسیۆنا کۆمەلێن کوردستانی لـ هۆڵەندا، پلاتفۆرما کوردستانی لـ هۆڵەندا، فەدەراسیۆن و ناوەند و کۆمەلێن کوردستانی لـ بەلجیکا، جڤاکا کورد لـ ئەڵمانیا، هەموو ئەو گروپەیێن خەباتکار کو کار وخەبات کرن ژ بۆ ئامەدەکرن و سەرکەفتنا ئاهەنگا نەورۆزا 2025 لـ باژارێ کۆلن ئەلمانیا، سوپاسیەک تایبەت ژ بۆ شارەداری و پۆلیسێن باژاری کۆلنێ.
هون هەر هەبن و کوردستان هەر ئاڤەدان بێت.
بژی کورد و کوردستان.
نادر دۆغاتی
سکرتێری کومیتەیا گشتی
کۆنفەدەراسیۆنا ڕەڤەندا کوردستانێ
23.03.2025