ناوەندی لوکسمبۆرگ خۆپیشاندانیان ئەنجام دا

ناوەندی رەوەندی کوردستانی-لوکسمبۆرگ، لەگەڵ رێکخراوێکی کوردی خۆپیشاندانێکیان لەژێر درووشمی کوردستان، ئازادی، دادپەروەری، کورد، مافی مرۆڤ ئەنجام دا.

ڕۆژی یەکشەممە ١٢ی١٠ی٢٠٢٥ناوەندی ڕەوەندی کوردستانی-لوکسمبۆرگ، لەگەڵ ڕێکخراوی هیوای لوکسمبۆرگ بۆ یارمەتییە مرۆییەکان، خۆپیشاندانێکیان لەژێر دروشمی
کوردستان، ئازادی، دادپەروەری، کورد، مافی مرۆڤ ئەنجام دا.

لەو خۆپیشاندانەدا، جەختیان لەوە دەکردەوە، کە گەلی کورد لە تێکۆشان بۆ ئازادی و پاراستنی نەتەوەیی و دادپەروەریی بەردەوام لە خەباتدایە، ئەوانیش وەک کورد و کوردستانیانی دیاسپۆرا، بەردەوام پیشتوانی دۆزی گەلی کورد دەکەن.

ئەوەشیان دووپات کردەوە، کە پێکەوە لەگەڵ کوردستانیانی دیاسپۆرا و لەژێر چەتری کۆنفیدراسیۆنی ڕەوەندی کوردستانی، لەسەر هێڵی کارکردنیان بەردەوام دەبن، چونکە بە کوردی لە دایک بوون و شانازی بە کوردبوونی خۆیان دەکەنن، هەتا دەمرن هەر کورد دەبن.