ناوەندی رەوەندی کوردستانی-ڤانکۆڤەر، بە سەرپەرشتی بەرپرسی ناوەندەکە سەیرانێکیان بۆ رەوەندی کوردستانی شارەکە رێکخست.
رۆژی یەکشەممە، ڕێکەوتی ٥-٤-٢٠٢٦، ناوەندی ڕەوەندی کوردستانی-ڤانکۆڤەر، سەیرانەگەشتێکی بەهارەی خێزانی بۆ کوردانی ئەو شارە ڕێکخست، کە جەماوەرێکی زۆری کوردی ئەو شارە و دەوروبەری ئامادەبوون.
سەرەتای ڕێورەسمی گەشتەکە، عیسا مێرگەسۆری بەرپرسی ناوەندی ڤانکۆڤەر، بەخێرهاتن و پیرۆزبایی سیانزە بەدەر و ساڵی نوێی لە هەمووان کرد.
دواتر چەند بابەتێکی کورت لەلایەن چەند چالاکوانێکی کوردی ڤانکۆڤەر پێشکەش کران.
پاشان بە بەشداری چەند هونەرمەندێکی ئەو شارە، گۆرانی و گۆڤەند پێشکەش کران و تا ئێوارەی هەمان رۆژ بەردەوام بوو.
جێی باسە، ئەم سەیرانە بووە جێگەی خۆشحاڵی ئامادەبووان و لەلایەن ڕەوەندی کوردستانی شارەکە بە کارێکی گرنگ و نیشتمانیی هەڵیانسەنگاند.