بەبۆنەی هاتنەوەی جەژنی قوربان، کۆنفیدراسیۆنی رەوەندی کوردستانی پیرۆزبایی لە کوردستانییانی دیاسپپۆرا دەکات و لە پەیامێکدا، دووپات لە پێداگریی خۆی دەکات بۆ پاراستنی پرەنسیپی پێکەوە ژیان و یەکتر قەبوڵکردن.
ئەمە دەقی پەیامەکەیە:
بەبۆنەی هاتنەوەی جەژنی قوربانیی پیرۆزەوە، بەناوی کۆنفیدراسیۆنی ڕەوەندی کوردستانییەوە، گەرمترین پیرۆزبایی ئاراستەی سەرجەم کوردستانیان لە ناوەوە و دەرەوەی نیشتمان دەکەین.
لەم بۆنە پیرۆزەدا، کۆنفیدراسیۆنی ڕەوەندی کوردستانی جەخت لە دیدگا و پەیامی نەگۆڕی خۆی دەکاتەوە، کە پێداگرییەکی پتەوە لەسەر چەسپاندنی کولتووری پێکەوەژیانی ئاشتییانە و یەکترقبوڵکردن، بڕوای تەواومان بەوەیە کە فرەڕەنگی و پێکەوەژیان بنەمایەکی سەرەکین بۆ پاراستنی یەکڕیزیی نەتەوەیی و نیشتمانیمان، هێمایەکی درەوشاوەی ناسنامەی شارستانیی ڕەوەندی کوردستانییە لە سەرتاسەری جیهان.
هیوادارین ئەم جەژنە ببێتە مایەی خێر و خۆشی و قوڵبوونەوەی زیاتری گیانی لێبوردەیی و تەبایی لەنێوان سەرجەم تاک و پێکهاتەکانی گەلەکەماندا.
جەژنی قوربانتان پیرۆز بێت و هەمیشە لە سەرفرازیدا بن.
کۆنفیدراسیۆنی ڕەوەندی کوردستانی
26ـی ئایاری 2026