خانمە نووسەرێکی کورد خەڵاتی کتێبی ئەڵمانیی ساڵی ٢٠٢٦ دەباتەوە

خانمە نووسەرێکی کوردی خاوەن ڕەگەزنامەی ئەڵمانی، خەڵاتی کتێبی ساڵی ٢٠٢٦ی وڵاتەکەی بە ڕۆمانی «Die Lücken» (بۆشاییەکان) بە دەست هێنا.

بازیار ساڵی ١٩٨٨ لە هێرمێسکایل لە ئەڵمانیا لە دایک بووە و دایک و باوکی لە پارێزگای ئیلامی ڕۆژهەڵاتی کوردستانەوە کۆچیان کردووە. ئەو خوێندنی نووسینی ئەدەبی لە زانکۆی هیلدەسهایم تەواو کردووە.

«Die Lücken» مێژووی ٩٠ ساڵی کۆمەڵگەیەکی خەیاڵی لە زێدی نووسەرەکە، هێرمێسکایل، دەگێڕێتەوە و بەتایبەتی دەچێتە ناو ڕابردووی نازییەکان و سەرنجدان بەوەی چۆن یادەوەرییەکانی ڕاگواستن و کوشتنی دانیشتووانی جوو لە کۆمەڵگەکە شاراوە ماونەتەوە.

بازیار پێشتر بە ڕۆمانەکانی «Nachts ist es leise in Teheran» و «Drei Kameradinnen» ناسراوە و چەندان خەڵاتی ئەدەبیی بە دەست هێناوە.