کورد و رێفرۆندۆما ئەلبێرتا

کورد وەکو کێماتیەک مینا گەلەک مللەتان ل سالێن دەستپێکا نۆتان گەهشتینە هەرێما ئەلبێرتا برەنگەک کومەل، هەر ژ گەهشتنا وان وەکو هەموو مشەختەکێ ڤی ولاتی کێم یان زێدە شیان رولي خۆ یێ هاولاتیێ کوردێ کەنەدی بگێرن و لدەمەک کورت شیان لبەروکێت خاندن و شولێ بدانا باجێ یێ فەرمی یێ کەنەدا نەمازە تەخا گەنج کو شیانێت فێربوونەکا بلەزا زمانی دیتنا شوولی. پشتی بوورینا ٣-٤ سالان پرانیا خێزانێت گەهشتی کەنەدا شیان ناسناما خۆ یا کەنەدی وەرگرن و ئێدی هزرکرن چەوا رولێ خۆ د گێرانا سیاسی یێ کەنەدا و ئەلبێرتا دا ببینن.

ژ بەر کو کەنەدا وەلاتەک دیموکراتخازە، هەردەم بنگەهێن فەرمی یێن ڤی ولاتی هەولدەن کو تاکێ کەنەدی پشتی وەرگرتنا ناسناما وەلاتی بوونێ وەردگریت کو بەشدارەیەک راستەوخو پشکدار بە د هلبژارتنێت کەنەدا دا یان یێن هەرێمێ مینا یا ل نووکەیا دەڤەرا ئەلبێرتا بێت ئەنجامدان ل ١٩/١٠/٢٠٢٦ کو دەنگدانە لسەر چارەنووسێ ڤێ هەرێمێ کە ئایا بمینە د گەل کەنەدا یان ژی جدا ببە. ئەڤە لدەمکیە کو کاودانێت کەنەدا د گەل ئەمریکا د باشنین ژ بەر کو ئەمریکا دخازە کەنەدا پارچە پاڕچە بە دا لاواز بە و ل پاشەروژەک نێزیک دەستەلاتا خۆ لسەر بسەپینە، هەر ژ بەر وێ یەکێ دخازە کوبک و ساسکتۆن پێنگاڤێن ژێکڤەبوونێ بخازە. پرس د بابەتێ مەدا ئەوە کانێ کو چ پێنگاڤ پاڤێژن و چ ئالی بگرن باشە. ببووچوونا من و ستراتیژیا سیاسی دوو لق و تا ژێ دچن ئەوژی بڤی رەنگینە. ژ ئالیێ سیاسیڤە پێنگاڤە ئەرێنیە کورد پشتەڤانیێ لێ بکەن ژ بەر کو کورد ژی هەوجەی ڤێ پێنگاڤێنە ل کوردستانێ لناڤ وان ولاتێت هاتین داگیرکرن. ژ ئالیەک دنڤە کورد وەکو مللەتەک بەردەوام مشەختیێ دخازە دبیت کورد ئەو چەنسێ هەی ژ لایێ کەنەدا ڤە مینا وەلاتەک مەزن و هەردەم پێتڤی مشەختانە ژ بەر کو دەما پارچە پارچە بوو ئێدی کوردان مینا گەلەک مللەتان ئەڤ دەلیڤە نە مینە. ئەڤە ژ بلی ئەو پارتێت جدا بوونێ دخازن د کەڤنە چارچێوێ ملی گەلەک راستێ سیاسی کو ئەوژی تێن نیاسین دژی هاتنا مشەختان و کومەکێن جڤاکێ بگشتی.

کورتییا بابەتێ بۆ کوردان نە وەسان بساناهیە وەکو ئەم بیر لێدکەین ژ بەرکو کەسێ کورد بەرمبەر دوو بریارێت گرنگە و هەر یەک دژی یا دیە. یا گرنگ ئەوە تاکێ کورد یان کومەلەیێن کوردی بەشدار بن د ڤێ پروسێسا دیموکراسیدا و بزانن هەرێما ئەلبێرتا و کەنەدا بەرەڤ کیڤە برێدکەڤن ژ بەر ئەڤرویا بریارێ وێ راستەوخو لسەر ژیان و کاروبارێن وا هەبە. وەکو خۆیا دبیت کوردان وەکو گرۆپ و تاکە کەس ئاگەهیەک باش لسەر رەوشێ هەیە نەمازە د گەل پارتا کونسێڤەتڤ و لیبرال کو دوس پارتێن سەرەکینە لڤی ولاتی.

ئارام دهوکی – کەنەدا