دوای زیاتر لە 35 رۆژ لە دەستگیرکردنی، هاووڵاتییەکی خەڵکی بۆکان هیچ زانیارییەک لە سەر چارەنووسی دیار نییە.
بە گوێرەی راپۆرتی رێکخراوی مافی مرۆڤی هەنگاو، سەرەڕای تێپەڕینی زیاتر لە 35 رۆژ لە دەستگیرکردنی چیا ئاقابەیگ پووری، خەڵکی گوندی رەحیم خانی سەر بە شاری بۆکان، هیچ زانیارییەک لە سەر چارەنووسی دیار نییە.
یەکێ لە نزیکانی بنەماڵەی ئاقابەیگ پوور رایگەیاندووە، چیا ئاقابەیگ پوور دوای دەستگیرکران بردنی بۆ گرتووخانەی ئیتڵاعاتی سوپای ئورمییە، تا ئێستا هیچ پەیوەندییەکی لەگەڵ بنەماڵەکەی نەبووە.
چیا ئاقابەیگ پوور تەمەن 28 ساڵ، خێزاندارە و باوکی دوو منداڵە.