کوردێکی چالاکوان سزای بەندکردنی بەسەردا دەسەپێت

چالاکوانێکی خەڵکی بۆکان، لە لایەن دەزگای دادوەریی کۆماری ئیسلامی ئێرانەوە، سزای بەندکردنی بە سەردا سەپێندرا.

بەپێی هەواڵی رێکخراوی مافی مرۆڤی هەنگاو، لە چەند رۆژی رابردوودا، جەلال وەفایی، چالاکوانی مەدەنی خەڵکی بۆکان، لە لایەن لقی 101ی دادگای تاوانەکانی ئەو شارە، بە سەرۆکایەتی دادوەر پەیمان رۆستەمی، بە تۆمەتی پڕوپاگەندە دژی ئێران، لە رێگای لایەنگری لە حیزبی دیموکراتی کوردستانی ئێران، سزای پێنج مانگ بەندکردنی بە سەردا سەپێندرا.