سەرۆکی لیژنەی ئاسایش و بەرگری ئەنجوومەنی نوێنەرانی عێراق، دەڵێ سەرۆکوەزیران و سەرۆکی فەڕەنسا لەسەر گرێبەستی كڕینی رادار و فڕۆكەی رافال لەگەڵ فەڕەنسا رێککەوتن کراوە.
ئەمڕۆ محەمەد رەزا، سەرۆكی لیژنەی ئاسایش و بەرگری ئەنجوومەنی نوێنەرانی عێراق، بە ئاژانسی هەواڵی عێراقییەی راگەیاند، لە كاتی سەردانەكەی مستەفا كازمی سەرۆكوەزیران و جومعە عیناد، وەزیری بەرگری بۆ فەڕەنسا، لێكتێگەیشتن و رێككەوتن بۆ كڕینی رادار و چەكی بەرگری ئاسمانی و فڕۆكەی رافال کراوە.
روونیشیكردەوە كە لیژنەكەیان پرسی ئەو چەكە فەڕەنسییانە دەخاتە بەردەم سەرۆكوەزیرانی عێراق و، سەرۆكی فەڕەنسا، كە ساڵانی هەشتاكان و نەوەدەكان، عێراق لە فەڕەنسای كڕیون، بەڵام تا ئێستا رادەست نەكراون.