Li gorî medyaya fermî ya Îranê, biryare sibe înê serokkomarê wî welatî, Ibrahîm Reyîsî ji bo vekirina hin projeyên aborî û civîna li gel rayedarên parêzgeha Îlamê, serdana wê parêzgeha Rojhilatê Kurdistanê bike.
Di diaxuyaniyekê de, parêzgarê Îlamê, Mihemed Nozerî ragihand, şopandin û gotûbêjkirina pirsgirêkên xelkê, civîn û hevdîtinên li gel xelkên kêm dahat û civîna li gel berpirsên îdarî yên parêzgehê, ji bernameyên giring ên serdana Serokkomarê Îranê bo wê parêzgehê ne.
Nozerî diyar kiriye, hejmarek wezîr jî bi Ibrahîm Reyîsî re serdana Îlamê dikin, ku dê bi cihê serdana projeyên 12 bajar û bajarokên parêzgehê bikin.
Tê zanîn, ji dema destbikarbûna di posta serokkomariya Îranê de, ev yekemîn serdana Reyîsî ye bo devereke Rojhilatê Kurdistanê, û herweha ev yek jî tê di demekê ku hejmareke berpirsên Îranî gefên leşkerî li partiyê Kurdên Îrandê û hebûna wan li herêma Kurdistanê dikin.
