یەکێ لە گۆڕستانەکانی بەلجیکا، بە تەواوەتی جیاوازە بە بەراورد لەگەڵ گۆڕستانەکانی دیکەی جیهاندا، ئەم گۆڕستانە بە دۆستی ژینگە ناسراوە، بەهۆی ئەوەی کێلەکان قەبارەیان بچووکە و نێوان گۆڕەکانیش فراوانە، بۆ ئەوەی کەسە ئازیزەکانی مردووەکە بە ئاسانی لە دەووری گۆڕەکەدا کۆببنەوە.
مردووەکان دەخرێنە نێو تابوتێکی تایبەتەوە، کە لە کەلوپەلی ڕیسایکل بەرهەمهێندراوە، دواتر دەنێژرێن، ئامانج لەو کارەش، شیبوونەوەی جەستەی مردووەکانە بە خاک، مردووەکان دەتوانن، تا 25ساڵ لەو گۆڕانەدابن، ئەو گۆڕانە دواتر بەکرێ دەدرێنەوە بە کەسانی دیکە