پسپۆڕێکی نەخۆشییە گوازراوەکان: کۆرۆنا هیچکات لەنێو ناچێت

پسپۆڕێکی ئەمەریکی نەخۆشییە گوازراوەکان، دەڵێ، لەوانەیە ڤایرۆسی کۆرۆنا هیچکات لە نێونەچێت و بەشێکی بەرچاوی جیهان لە قۆناغی سەرهەڵدانی ئەو پەتایەدا دەمێنێتەوە.

دکتۆر ئانتۆنی فاوچی راوێژکاری جۆو بایدنی سەرۆکی ئەمەریکا، ڕایگەیاند، بەشێکی بەرچاوی جیهان هێشتاش لە هەندێ لایەنەوە لە قۆناغی سەرهەڵدانی پەتای کۆرۆنادان، بەڵام ئێستا وا دەردەکەوێت کەیسە نوێیەکان کەم بووبنەوە.

ناوبراو جەختی کردووەتەوە لەسەر ئەوەی کە پلەیەکی گونجاوی کۆنتڕۆڵکردن دەکرێت، لە ڕێگەی وەرگرتنی ڤاکسینەوە بێت، بەڵام هیچکات لە نێوناچێت.