وەزارەتی نێوخۆی عێراق ڕایگەیاند، سەرەتای ساڵی دابێت، دەست بە دەركردنی پاسپۆرتی ئەلیكترۆنی دەکەن.
ئەحمەد عەبدولستار بەڕێوەبەری كاروباری گشتیی پاسپۆرتی وەزارەتی نێوخۆی عێراق، لە لێدوانێكیدا ڕایگەیاند، سەرجەم كاروبارە لۆجستییەكانی پەیوەست بە دەركردنی پاسپۆرتی ئەلیكترۆنی تەواو كراون و، لە سەرەتای ساڵی دابێت دەستی پێدەكرێت، بۆ كارئاسانی پڕۆسەكەش گرێبەستیان لەگەڵ وەزارەتی پەیوەندییەكاندا كردووە.
ئەحمەد عەبدولستار ئەوەشی خستەڕوو، كە پاسپۆرتەكە شانەیەكی ئەلیكترۆنی هەیە و، سەرجەم زانیارییەكان پەیوەست بە هەڵگری پاسپۆرتەكەی لەسەر تۆمار دەكرێت