حكوومهتی یۆنان بۆ ڕێگریکرتن له كۆچی نایاسایی و درووست بوونی لێشا و له توركیاوه، خاڵه سنووریهكانی به ڕادار و كامێره چاودێری دهكات.
له ڕۆژی ههینییهوه حكوومهتی یۆنان، ڕادار و كامێرهی چاودێری دهستبهكار كردووە بۆ چاودێری كردنی خاڵه سنووریهكانی لهگهڵ توركیا، ئەوەش بۆ ڕێگریکرتن له كۆچی نایاسایی و ئهگهری درووست بوونی لێشاو له توركیاوه بۆ یۆنان.
به پێی زانیارییهكانی حكوومهتی یۆنان، تهواوی خاڵه سنووریهكانی وشكانی نێوان توركیا و یۆنان، به كامێرهی چاودێری و ڕادار چاودێری دهكرێن و، ههر ڕادار و كامێرهیهك دهتوانێت به درێژایی 15 كیلۆمهتر زانیاری بدات به 4 سهنتهری جیاوازی چاودهڕی خاڵه سنووریهكانی ئێڤرۆس .
له ناوچهی سوفلی، دیدیمۆتیخۆ، ئۆرێستیادا، تیخێرۆ ،فێرێس، ئالێكساندروپۆلی، سهنتهری چاودێریكردنی خاڵه سنووریهكان دانراون، تا ههر كاتێك كۆچبهری نایاسایی سنوورهكانی یۆنان ببهزێنێت، سهرباز و پۆلیس ئاگادار بكرێنهوه.
ئهم كامێره و ڕادارانه 24 كاتژمێڕ كار دهكهن و تهنانهت له شهویشدا زانیاری به بهرپرسانی خاڵه سنووریهكان دەدەن، وهك له میدیاكانی یۆنان باس دهكرێت، تهنانهت دهزگای مافی پهنابهری كاتێخاكی له ئهسینا، دهتوانێت ئهو زانیاریانه بزانێت كه لهسهر سنووری وشكانی یۆنان و توركیا روودهدهن، واته كاتێخاكیش دهتوانێت تهواوی گرته ڤیدیۆكان ببینێت، چی له سهر سنوورهكان ڕوودهدهن.