گوتەبێژی وەزارەتی دەرەوەی عێراق ڕایگەیاند، لە كۆتایی ئەم هەفتەوە یەكەم گەشتی گەڕانەوەی كۆچبەران لە بیلاڕوسیاوە ئەنجام دەدەن.
ئەحمەد سەحاف، گوتەبێژی وەزارەتی دەرەوەی عێراق لە ڕاگەیەندراوێكدا ئاماژەی بەوەكردووە، 18ی ئەم مانگە یەكەمین گەشت بۆ ئەو كۆچبەرانە ڕێكدەخەن كە بە ویستی خۆیان دەیانەوێت لە سنوورەكانی بیلاڕوسیا و پۆڵەنداوە بگەڕێنەوە.
باسی لەوەشكردووە، حکومەت بودجەیەکی فریاكەوتنی بەبەهای 300 ملیۆن دینار بۆ وەزارەتی دەرەوە تەرخان کردووە بۆ گەڕاندنەوەی ئەو كۆچبەرە عێراقییانەی كە دەیانەوێت بگەڕێنەوە بۆ وڵات