سوید: بە تۆمەتی کڕینی سێکس چەندین کەس دەستگیر دەکرێت

پۆلیسی ستۆکهۆڵم 75 کەسی بە تۆمەتی کڕیاری سێکس دەستگیرکردوون، کە ئەوروپی و رۆژهەڵاتیشیان تێدایە.

بە گوتەی بەڕێوەبەری ئۆپەراسیۆنەکانی پۆلیس ئاندەرس ئۆلۆفسەن، لە کاتی پەتای کۆرۆناش لە سوید، دیاردەی کڕینی سێکس کەم نەبووەتەوە، ئاماژەی بەوەشدا، کە ئەو دیاردەیە زۆرینەیان لە شارەوانییەکانی دەووروبەری ستۆکهۆڵمن و، زۆرجار هۆتێلەکان بەکار دێنن.

پۆلیس جەختیکردەوە کە نیوەی دەستگیرکراوەکان ڕازی بوون واز لە کڕینی سێکس بێنن و پشتگیری هەوڵەکانی پۆلیس بکەن.

شایانی باسە نزیکەی 20 ئەفسەری پۆلیس بەشدارییان لەو ئۆپەراسیۆنەدا کردووە، کە بە دەستگیرکردنی 75 کەسی کۆتایی هات.