ناوەندی ڕەوەندی کورد لەدەرەوە لە میانی سەردان و چالاکیەکانیدا بۆ ئاواکردن و ڕێکخستنەوەی ناوەندەکانی لە وڵاتانی ئەوروپا و بەردەوامی پەیوەندیەکانی لەگەڵ کۆمەڵەو فدراسیۆنە کوردستانیەکانی دی لەو وڵاتانە بەردەوامی ھەیە .
لەچەند ڕۆژی ڕابردوو بە نوێنەرایەتی بەڕێزان : فارس عومەرو کژاڵ دەروێش ، ئەندامانی ناوەند ، سەردانی ناوەندی فەرەنسایان لە پاریس کرد .
ئەوەی شایەنی باسە ئەم ناوەندە لە ماوەی ڕابردوو بەفەرمی مۆڵەتی کارکردنی لە وڵاتی فەرەنسا وەرگرت و ئەو بەڕێزانەی ناوەند لەکارو چالاکیەکانی خۆیان بەردەوامیان ھەیە .
دەستپێکی سەردانەکان لە دیدارو کۆبوونەوەی نوێنەرانی ناوەند لەگەڵ بەڕێز : عەلی دۆڵەمەڕی لە نوێنەرایەتی حکومەتی ھەرێمی کوردستان لە فەرەنسا کرد و چەند بابەتی گرنگ و پەیوەست بەکارو باری ڕەوەند باسیان لێوەکرا .
جەخت لەسەر کارو چالاکی ئایندەو ھەماھەنگی بەردەوام و ھەبوونی پەیوەندی بەردەوام بۆ زیاتر خزمەتی ڕەوەندی کوردستانی لە وڵاتی فەرەنسا و کارکردن لەسەر ھەبوونی یەک ڕیزی و یەک دەنگی جەختیان لێوەکرایەوە .
لە پاش نیوەڕۆی ھەمان ڕۆژ نوێنەرایەتی ناوەند لەگەڵ فدراسیۆنی کۆمەڵە کوردستانیەکان کۆبوونەوە کە نوێنەرایەتی چەند کۆمەڵە دەکەن لە وڵاتی فەرەنسا .
لەگەڵ ئەوەی چەندین دیدارو کۆبوونەوەی دی ھەبوون لەکەڵ چەند کۆمەڵەیەکی دی لە فەرەنسا و دواکۆبوونەوە لەگەڵ ناوەندی ڕەوەندی کورد لەدەرەوە – فەرەنسا بوو ، دوایی پیرۆزبایی وەرگرتنی مەڵەتی فەرمی کارکردن وەک ناوەند ، لە چەند شاری جیاجیای فەرەنساوە ئەندامی ناوەند ئامادەبوون ، چەندین بریارو ڕاسپاردە جێگیربوون بۆ داھاتووی کاری ناوەند لەو وڵاتە .
