سەرۆکى فەخرى یۆڤانتوس کۆچى دوایکرد

ئەمڕۆ هەینى، بونبیرتی، سەرۆکى فەخرى یانەى یۆڤانتوسى ئیتالى لە تەمەنى 92 ساڵیدا کۆچى دوایکرد.

کەناڵى 24ى ڕووسیا بڵاویکردەوە، بونبیرتی، سەرۆکى فەخرى یانەى یۆڤانتوسى ئیتالى لە تەمەنى 92 ساڵیدا کۆچى دوایکرد، بونبیرتی، لە ڕۆژى 4 مانگى داهاتوو تەمەنى دەبووە 93 ساڵ.

لە نێوان ساڵانى 1946 – 1961، بونبیرتی لەگەڵ یۆڤانتوس بەشدارى 459 یارى فەرمى کردووە، پێنج جار لەگەڵ یانەکەى بوەتەپاڵەوانى ئیتالیا و دوو جاریش بووەتەپاڵەوانى کاسى ئیتالیا.

دواى وازهێنانى بەشێوەیەکى فەرمى لە تۆپى پێ، بونبیرتی لە چەند پۆستێکى جیاواز لەگەڵ یانەکانى تۆرینۆ و یۆڤانتوس کاریکردووە.